- 623 -

1434. März 12. Cadolzburg.

Willige dinste mit andachtigem gebete vnd waz ich gutis vormag alleczeit zuuor an. Erbern vnde weysen besundern liebin hern vnd gonnern, von sulchen sachen alz ir dann meynem gnedigen hern vnd auch mir besundern geschrebin hat, vil ich williclicheri guten vleys dorczu haben vnd sal an gelde nicht gebrechen zo ferre ap daz concilium in apwesunge dez babist die hand anelegin wil, alz daz noch bis hier nicht gescheen ist, were aber sache eynes korczens beharren meynes hern in dem concilio alz ich mich vorsehe, so sal is dennoch wol bestalt werden, daz is auszgericht worde, ouch seind hewte komen die ambassiatores concilii kegin Nurenberg sich zu dem tage kegin Cham zu fugen, den sie mit den ketczern am methewochin noch Judica halden sulden, goth gebe, daz sie sich wol eynen, alz dan guter trost ist; ap das nicht geschee, so hat man eynen anslag gemacht dorch die gancze cristenheit eynen reitenden crig mit en zubestellen vnd die czoge zu weren; andere czweiunge sein nicht, dann daz sich die korfursten mit den von Burgundeen czween vmb den vortret der session, huffit man, das is auch entscheiden werde; was ich euch in allin sachin zu dinste sein sein sal, dorczu byn alleczeit willig vnd loet euch meyne kirche vnd die meynen entfolen sein, daz wil ich euch sunderlichen dinen. Gebin zu Cadelsburg eilende am freitage vor Judica xxxiiij°.
Ohne Unterschrift und Siegel.
Rückaufschrift: Den erbern vnde weysen burgermeister vnde rathmannen zcu Lignicz seinen besondern gonnern.

Orig. Kgl Bibl. zu Berlin, Ms. Boruss. f. 568, No. 57.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866